رح كيفيه شراء افضل لاب توب واختيار المواصفات التي تناسبك

للناس المهتمة بمقالات شراء اللاب وفرز الاجهزة وبتسأل :

هتلاقي هنا أشهر وأكثر الأسئلة اللي اتسألناها في الفترة الأخيرة من كل حد حابب يشتري جهاز فبيبدأ يسأل :

* لو انا داخل حاسبات ومعلومات أوهندسة ايه الجهاز اللي اشتريه ؟ ( لعلمك انت في فترة دراستك في حاسبات لو هتعتمد على المواد الدراسية بس ومش هتهتم بتطوير شغلك على لغات برمجة عالية أو احتجت لشغل الاندرويد مثلا فانت هتحتاج جهاز من الجيل الرابع مثلاً أو الخامس بكارت شاشة صافي 2 جيجا AMD أو Nvidia كلاهما هيأدي الغرض معاك والسعر مش هيتخطى ال6 الاف جنيه )

• اشتري لاب ولا كيسة بالنسبة لشغلي في التصميمات ؟ ( لو حضرتك في مكان ثابت والجهاز فعلا مش بيتحرك كتير فالكيسة بمكوناتها وخصوصاً لو كانت ووركستيشن والباور فيها من 650 وطالع مع معالج قوي من فئة Xeon مثلا او جيل حديث من I5 أو I7 فده هيسمحلك لسعة ذاكرة أكبر وكارت شاشة أقوى, أما لو انت بتتحرك كتير ومحتاج شغلك تنزل بيه مواقع وتعرضه فأكيد لاب طبعاً )

• اشتري لاب جديد ولا استيراد ؟ انت لو أدركت حداثة الجيل وتردد المعالج يكون فوق 2.3 والكاشات فوق 4 واهتميت بعدد الأنوية ولو انت جيمر أو ديزاينر بلاش المعالجات ذات اللواحق U وقتها هتقدر تعرف اللي هيفيدك ويشتغل معاك كويس ايه سواء استيراد أو جديد

• جديد I7-8500U ولا استيراد i7-6300HQ لأ انا عندي تاخد الجيل السادس HQ لو مستعمل استعمال خفيف لأن ده بالنسبة لك هيفرق معاك كتير في الأداء والرندرة وخصوصا ان كروت الشاشة عليه بتبقى اقوى نوعاً ما ... إجابة السؤال ده عاوزك تتمعن فيها كتير عشان هتوفر عليك

• لو عاوز موقع أعمل عليه مقارنة او قياس لقوة المعالج بتاعي ؟ ( آه خد الموقع ده واختار من بين اللواحق والموديلات زي ما تحب cpu.userbenchmark

أو

cpuboss

• لو عاوز اختبر أداء كارت الشاشة بتاعي واشوف هل هيتحمل فعلاً لأن للأسف معظم القائمين على أمر التسويق اليومين دول بيبقى معظمهم هدفه ربحي بحت فممكن يسوقلك حاجة جيل قديم أو كارت لا يدعم بقوة لعبة معينة وتتفاجئ بأداء مخزٍ لجهازك حمل البرنامج ده GPU Caps Viewer وهو بدوره بعد التثبيت هيقوم بفحص وتحليل مكونات جهازك وكارت الشاشة الخاص بك وهيبقدأ يحللك الظلال والجسيمات ثلاثية الأبعاد ومدى قدرة الكارت على تحمل ذلك

• انا اشتريت ووركستيشن بكارت كوادرو ومش شايفأداء جيد في الألعاب ؟ ( سبق وفصلناها إن كوادرو معنية أكثر بالتصميمات لو حضرتك مهتم جداً بالألعاب وهتقضي وقت كبيرعليها فالأفضل ليك تجيب كارت نفيديا من فئة GTX لأنه هو الأفضل والأكثر استعداداً لتشغيل الألعاب جرافيك عالي

• تردد وانوية وكاشات يعني ايه؟ ... ( ببساطة التردد هو عدد النبضات التي يستطيع المعالج القيام بها في وقت واحد وكلما زادت علت كفاءة المعالج, أما الأنوية فهي تعتبر قلب المعالج اذا قسناها بقلب الانسان فكل نواة في الجهاز تعتبر قائمة على تشغيل سلسلة من العمليات بمفردها فكلما زادت الأنوية زادة قدرة الجهاز على فتح فريمات أكثر بسلاسل مختلفة من العمليات في ذات الآن, أما الكاشات فهي القدرة على التخزين المؤقت للمعالج دون اللجوء للرام في كل كبيرة وصغيرة من العمليات زيادة الكشات تجعلنا نستفيد بالقدر الأكبر من الرام لذا فهناك سرعة وقوة في الأداء )

• المفروض يبقى معايا كام عشان اشتري جهاز يأدي معايا الغرض في التصميمات والشغل العادي وبعض الألعاب الخفيفة ؟ ( لغاية دلوقتي في يومنا ده بتاريخ النهاردة فانت محتاج حوالي 4500 جنيه عشان تشتري جهاز عليه كارت شاشة كويس وجيل كويس تشتغل عليهم )

• HP بيسخن ؟ ( مقدرش أقولك لأ ومقدرش اسيبها مفتوحة لو قلت آه وسكت فانت تلقائي تبعد عن الجهاز !! الإتش بي جهاز محترم وخصوصا في الاجيال الفوق متوسطة والحديثة منه وموضوع السخونة ده ميشغلكش قوي إلا إذا كان بيأثر على أداء الجهاز ومن ثم الفصلان وقتها تقرر تغير الجهاز )

• يعني ايه أجيال وكام جيل ؟ ( الأجيال من 1 الى 9 أجيال تقدر تقول من 1000 الى 20000 وتقدر تقيس على فرق الرقم ده شكل حديث – وزن أخف – كارت شاشة أقوى – معالج أسرع – أداء اعلى - ..... )