نظريه المؤامره في الحلقه الاخيره من مسلسل جيم اوف ثرونز game of thrones

مواضيع مفضلة

الأحد، 19 مايو 2019

نظريه المؤامره في الحلقه الاخيره من مسلسل جيم اوف ثرونز game of thrones

نظريه المؤامره بوست لمتابعين جيم اوف ثرونز فقط : 

استحملوني شويه، نظرا لان الواحد مش هاين عليه يشوف سيزون سيء لمسلسل عبقري من حيث الدراما ومن حيث انتاجه كبرودكت مصروف عليه ومعمول بفكر احترافي  عبقري كعمل فني عظيم بغض النظر عن سوء كتابته في اخر سيزونين

اتمنى (ولو اني مستبعد ده بشكل كبير فشخ)، يكون التسريب المتسرب حاليا لآخر حلقه يبقى ترتيب مسبق بشكل كبير من قبل صناع العمل ذات نفسهم بحيث اننا نتفاجئ كمان كام ساعه بان كل حاجه كانت عكس التسريب وان ده كان لعب من صناع المسلسل من بدري على Reddit بحيث ان الناس يبقى عندها اكسبكتيشنز لحاجه معينه ونتفاجئ في الاخر بحاجه تاسعه

وده احتمال بعيد 

اما نظريه المؤامره، رغم اني من اكتر الناس الي بتكره نظريه المؤامره، ان هناك اغراض دنيئه من HBO و جورج مارتن مجتمعين

وهي تعمد ان السيزون يكون وحش مع التوضيح الكامل ان جورج مارتن بره الكتابه، عشان على حسب الاشاعه الي سمعها والتي يمكن ان تكون مؤكده، ان هيتم صناعه خمس مسلسلات تانيه بره جيم اوف ثرونز ريليتد لجيم اوف ثرونز، زي ايه الي حصل قبل الماد كينج وممكن مثلا تلاقيلك مسلسل لأريا ستارك لوحدها والجو ده

وساعتها لو المسلسلات دي متعملتش بنفس احترافيه صناعه جيم اوف ثرونز هيبقى نهايه فاشله ومحتمه بشعه لحاجه عظيمه، زي ما حصل مع مسلسل Friends لما حاولوا يعملوا سلسله لوحدها اسمها joey ومكملتش سيزونين

ساعتها النهائيه السيئه بتاعت السيزون ال8 هتكون خيبتها اتقل واكبر لو حصل الي قلت عليه ده وهتبقى حاجه بشعه وهتبقى فعلا بوظت الطبخه على حبه ملح

اما جورج مارتن، فكل حاجه بتصب في مصلحته حاليا، خصوصا انه مخلصش الكتاب الاخراني، فالناس كلها مش راضيه عن نهايه السيزون ودي حاجه تسعده فشخ لانه لما ينزل الكتاب هيحقق اعلى مبيعات روايه ممكن تحصل عشان الناس كلها تعرف ايه النهايه الي ترضي جمهور جيم اوف ثرونز الي اتبنى واتكون في السته سيزونز الاولانيين

في النهايه اتمنى متكنش حركه متفقه دنيئه بردو مع جورج عشان يصنعوا حاجات زياده ويجيبوا فلوس اكتر وعشان كده خططوا لقدام وعملوا الفينال وحش 

فياريت اول امنيه تحصل النهارده ويخالفوا كل التسريبات، طبعا انا عارف ان لا HBO ولا جورج هيقروا الكلام ده انا بفضفض مع الاخوه الرابطه محبيه المسلسل عشان دي الحاجه الوحيده الي كنت فان بوي ليها :(

كتبها هشام عفيفي

إرسال تعليق

هنا

المشاركة على واتساب متوفرة فقط في الهواتف